السلام عليكم ورحمة الله تعالى وبركاته ، مرحبا بكم في منتدى امل قطامي نورتونآ



 
الرئيسيةالتسجيلدخول

شاطر | 
 

 اهــداء .

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dal3❀
أمولي متفاعل
أمولي متفاعل



مُساهمةموضوع: اهــداء .   الأحد يونيو 29, 2014 5:50 am



الى ❀.(AAj). ❀,
الرجوع الى أعلى الصفحة اذهب الى الأسفل
سيد العشاق
ملك المنتدى
ملك المنتدى



مُساهمةموضوع: رد: اهــداء .   الأحد يونيو 29, 2014 7:17 am

[center]وحدة بوحدة

صدق كل واحد قاعد يطلع اللي بقلبه.. بس الراي مختلف هني..الراي مو نفسه ابد...

لا ليش؟ ليش وحدة بوحدة ارد لك اياها.. وارد لك الصاع صاعين...

تربيتي ما تسمح لي... بعضكم يمكن يسوي شي.. دنائته تعيب عليي اني ارد له اياها..

كم كبير من الناس يستغل صح.. كم كبير يستفيد من الاخطاء هذي... بغلط عليك ... وبسبك...وبتجاوز خصوصياتك.. واياني وياك تقرب مني..

اعذرني تره مو بكيفك.. شوف ثق تماما.. وراء كل شخص صامت غضب.. ممكن لو شفت جزء منه تنصدم منه..وراء كل صامت كلام لو سمعت ربعه..ما راح تتكلم ابد.. خبره لو تستفيد منها شوي بتعيش مرتاح..

نقدر نردها وحدة بوحدة والعن من جدي.. واسوي واسهرك الليل.. جرحتني بجرحك جروح..
تعبتني اليوم بتعبك دوم.. تره هي ابساطة.. نقدر نعامل الكل بالمثل.. عامل الناس بما تحب ان تعامل...

اذا تبي تعاملني بهذاك التصرف اللي صدق نحطه بين قوسين.. وتحته خطوط ونقول هذا التصرف شين.. راح تلاقي مني تصرف شين...هذا اذا كان على ذاك المبدأ اللي براويك نجوم الظهر.. ووحدة بوحدة وانتقام.. ونفوسنه ارقى من الانتقام...

ما ارضى اشوفك مذلول ومكسور.. ما هو ضعف شخصية ولا هو صمت تقدر تكسره بكبريائك.. ولا هو انسان ما قدر انه يعارض او ما قدر يكلمك ويردك ويقابلك..لا يا حبيبي هذا انسان اكبر من عقليتك.. هذا انسان قرر يقابل الاساءة بالاحسان.. هذا الانسان اللي ما كنت انت ولا كان...

فكر فيها عدل شوية.. شوف الانسان اللي غلطت بحقه ... ليش ما رد لك اياها.. مريت البشرية كلها وحجيت لهم فردا فردا.. بالحسنة والشينة .. وكانت الشينة تغلب على الزينة.. وصرت انا قدامهم بصورة سيئة..

اقدر انا ادق سيارتي سلف واروح للناس واحجي لهم مثل ما حجيت عني...ويا الله روح...

عيب ما نشوه سمعة الناس اللي كان بينه وبينهم عيش وملح.. قليت باتصالك.. ما راح اقل باتصالي.. اذا انته صغير عقل.. ليش اصير احمق مثلك..واذا انته ما تعرف تقدر ليش اقتدي فيك..؟؟

راح تكون وحدة بوحدة لو جرحتني وسكت وجرحتك وسكت...

وايد ناس يعانون ويقولون انا ادري هذا يعاملني جدي لاني سويته له هاللون...بسكم تكديس بقلوبكم.. بسكم ذم وحقد وحش وقلوب سوده.. والله العظيم لو بتفكر شوي وبطالع داخلك راح تلاقي بياض ناصع تعمى عنه العيون...

لكن انته قررت انك تغطيه بتفاهات البشر اللي احنه ارفع منها مستوى...يا اخي داوي كل هالمشاكل بكلمة... داوي كل هذي الحقود بفكرة.. واترك لنفسك بصمة...

وقول اللي بعاملني بالاساءة بقول له مشكور.. واللي بحش فيني ويضرني .. واللي بيغلط فيني.. واللي قاعد يتكلم بلباسي واسلوبي وشغلي واخلاقي.. كلهم قولو لهم مشكور...

كن على ثقة مني مو ردى مني ردى منك.. وغرور مني اي.. لاني ابغي اشكر ايدين ربتني كل هالسنين ما راح اوصخها عشان اعامل انسان وحدة بوحدة...
هذا غرور مني.. لانه فيه ناس اتعبو واسهرو عشان يصقلون فيني ذيك الروح والاخلاق الي مستحيل توقف قدامك وتتوصخ...

خلاص لكل شخص راح يعاملني من اليوم ورايح بالشينة.. راح اقول له شكرا ما راح اعاملك وحدة بوحدة. انا اكبر من عقليتك الانتقامية هذي .. شرايك تغيرها...

وحدة بوحدة
.....



>>>>>>>>>>>>>>>>>>>>>>]


عندما يرمون التراب فوق صديقك أو أخيك أو عزيزك بعد أن يغادر الحياة ستدرك حينها بأن الزعل والبعد والحقد والكبرياء تافه جداً ولاقيمة له ، تسامحوا وأصلحوا فيما بينكم فالجنة لا يدخلها من كان في قلبه مثقال ذرة من حقد
الرجوع الى أعلى الصفحة اذهب الى الأسفل
 

اهــداء .

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: أقسام منوعة ¬ :: مدونتي | My Blog ♦-